Herbstwanderig KCO 2022


Am Sunnti Morge, 23.10, het sich es chlises motivierts Grüppli am sarner Bahnhof versammlet und isch ufe Zug richtig Engelberg iigstiege. Nachere churze Zugreis und bizzli aastah für ufs Gondeli (hend natürli d Obwaldner Gondle entdeckt) simer scho uf 1763 m.ü.M bim Trüebsee gstande. Es het zur Stärchig no es Gläsli Wii geh, bevor mir richtig Jochpass marschiert sind. Det obe aacho hets de eint oder ander fast vom Weg weg gwindet und denn hemmer e Unterschlupf gsuecht im Bärghuis Jochpass. Nach ere Stärchig und Tour vom wunderschöne Hotel, wo vom Christoph gschriinered worde isch, simer denn wieder in Rege use. Doch au de Rege het das motivierte Trüppli ned chönne stoppe und mir hend üs für de Panoramaweg entschiede. Mit mene churze Drohneflug als Pause simer denn am Melchsee aacho, womer no es Renne de Hoger duruf gmacht hend. Aber da isch d Energie bi de meiste scho dusse gsi und numme de Fabio isch vorusgrennt. De obligatorischi Zwüschestopp i de Lodge het natürli au ned derfe fehle (s Zmittag isch ja au scho wiit weg gsi). De Weg zu<m Gondeli isch abgchürzt worde, direkt übere Hoger und chrüz und quer durs Chrut. So hets au no üses Trüppli uf de Bus richtig Sarne gschafft wo alli wieder ihre eigete Weg gange sind.

Manon



41 Ansichten0 Kommentare

Aktuelle Beiträge

Alle ansehen