D’Früehligstemperaturä hend üs leider en Strich durd Rächnig gmacht. Im Mörli heds zwenig Schnee zum Schlittlä, drum hemmer nach hi und här überleggä (Nachtschlittlä idä Frutt, Schliffschüendlä z’Ängelbärg, Winterwanderä im Mörli…) entschiedä, zwar ufs Schlittlä z’verzichtä aber nid ufä Apero idä Bullybar unds Fondue im Giswilerstock.
Mit dä Telis sind dä Flo, Adi, Fabio, Vivi und dä Janis (wo s’erschtä mal druffä gstandä isch und trotzdem en top Figur gmacht hed, wer hätts au andersch erwarted) und ich debiä gsi. Mier hend dasmal de Teledog chli lah schlafä und meh Zit is üebä vo Tricks investiert. Mit dä Ski hend d’Fiona unds Scheideggers und mitem Snowboard dä Felipe und dä Noris Pistä unsicher gmacht. Isch aber ai Steil die cheibä Wand durab. Leider heds bis uifä drigrägned, und es isch de chli meh es Wasserschiinä gsi. Das hed aber d’Stimmig nid im gringschtä trüäbt. Ai s’Fondue hed gschmöckt und es sind alli wieder gued heicho. Tele-Tschüss. 😉
Livia