top of page

KCO Skitag in Engelberg 2023

Aktualisiert: 20. Juni 2023

Am Sunntig, 22. Januar 2023 isch z Grüppli Spada, Martin, Flo und Fiona pünktlech am 7.30 Uhr vom Dorfplatz us gstartet. Witeri chlineri Fahrgmeinschafte hei vo verschidnige Startpünkt us der Wäg uf Engelberg gfunde. Am wenigste Wit hei d Vivi und der Fabio gha, si hei praktisch nur zum Bett us müesse is Skidress gumpe. D Livia und der Kili si vo Stansstad us gstartet und d Manon und der Adi vo Alpnach us. Sogar der Jaronas het der Wäg vo Nottwil us uf sich gno. Wättertechnisch hets am Afang gad nid so rosig usgseh…es het zimmli Näbu gha und gflöcklet hets ou. Das isch aber glücklecherwiis nid lang so blibe. Sogar d Sunne het der Wäg düre Näbu gfunge. Dank der Wätterbesserig und em praktisch iheimische Freerider wo mir derbi hei gha, hei sech de zwe Gruppe chönne biude. Die einte wo sich der früsch Powder hei wöue zu Gemüte füehre und die andere wo über d Piste abe gfätzt si. A dere Steu es grosses Merci a Fabio Scherer, üsem Freeride-Guide, wo ar Powder-Gruppe diversi cooli Hängli het chönne zeige. D Pistequalität isch aber o top gsi und Lüt hets ou nid viu gha. So intensivs skifahre git hunger und darum hei mir de im Bärghuis Jochpass es feins Zmittag gnosse.

Am Namittag si mir nomau mit Vougass und viu Spass d Häng dürab gfahre. Abgschlosse hei mir dä super Tag mit emne Après-Ski-Ründeli im Fuchsloch. Schön sit dir aui mitcho, es het gfägt!

Flo und Fiona



52 Ansichten0 Kommentare

Aktuelle Beiträge

Alle ansehen

Commentaires


bottom of page