Nachtschlitteln im Mörli mit Fondüplausch



Hit abig isch dä Kanuclub im Mörli gah d Schlittelpistä unsicher machä. Alli dobä acho, ischs scho uf die erscht fahrt gangä. D Schlittä sind i Rennmodus cho mit üs. Scho i de erschtä kurfä sind die erschtä ab de pischtä cho und I jedere Steilkurfä hed sich sicher öper müesse zrug ufd Pischtä gäh. Mier hend es riisigs gaudi gha und s lachä isch a dem abig sicher nid z kurz cho. De Schnee isch richtig nass und grussig gsi, aber schnell und das isch doch d hauptsach�� Wo de alli langsam es nasses füdlä becho hend, hämer üs entschidä gah ässä. Durchnässt und mit Hunger hämer üs uf näs feins Fondü gfreut. Wos de ändlich cho isch, ischs au scho gly wieder wäg gsi. Zum Fondü heds Brot, Kartoffeln, Birrä und susch no öpis feins gäh. Aso alli die wo nid cho sind, ihr hend es super feins Fondü verpasst… Zfriede und mit vollem Buuch hend mier üs de wieder zrug uf de hei wäg gmacht.


Siri Eichi :)

15 Ansichten0 Kommentare

Aktuelle Beiträge

Alle ansehen

Nostalgie Ecke